Magpapatupad ang Metropolitan Manila Development Authority ng 24/7 o tuluy-tuloy na rehabilitasyon sa EDSA sa loob ng apat na araw ngayong Semana Santa.
Kinumpirma ito ni MMDA Chairman Atty. Don Artes na papayagan ang nonstop repair work simula Miyerkules Santo, Abril 1 sa oras na 10 ng gabi hanggang alas-singko ng umaga ng Abril 6.
Ayon kay Atty. Artes, karaniwang magaan ang daloy ng trapiko sa mga nabanggit na araw, kaya’t sasamantalahin ang pagkakataon upang mapabilis ang proyekto.
Maglalabas anya ng kaukulang abiso ang ahensya at magde-deploy ng mga tauhan upang tiyakin ang maayos na daloy ng sasakyan sa mga apektadong bahagi ng kalsada.
