Laging magkaka-problema sa ekonomiya kung hindi gagawing prayoridad ang agrikultura at lokal na industriya.
Ito ang iginiit ni Ibon Foundation Executive Director Jose “Sonny” Africa bilang tugon sa patuloy na paglagapak ng pambansang ekonomiya.
Ayon kay Africa, may tinatago anya ang mga gumagawa ng mga survey dahil sa hindi nito inilalagay ang mga informal worker at mga hindi nagsusumikap na maghanap ng trabaho bilang mga sariling kategorya.
Dagdag pa ni Africa, laging magkukulang ng trabaho kung hindi susuportahan ng pamahalaan ang agrikultura at lokal na industriya, na matagal nang hindi naging prayoridad.
Samantala, tinawag din ni Africa na baluktot at bulok ang mga prayoridad ng 2026 budget dahil may pork barrel pa anya ang mga programang pang-imprastruktura at pang-ayuda at ang mga unprogrammed appropriations, habang wala namang nailalagak na pondo sa mga pangmatagalang solusyon.
