Naghain ang magkakapatid na sina Davao City 1st District Rep. Pulong Duterte, Davao City Mayor Baste Duterte, at Kitty Duterte ng memorandum sa Supreme Court para kwestiyunin ang patuloy na pagkakakulong ni dating Pangulong Rodrigo Duterte.
Kaugnay ito ng consolidated petition na kumukuwestiyon sa pag-aresto at pagkulong kay Duterte sa The Netherlands.
Nanindigan ang magkakapatid na labag sa Konstitusyon at iligal ang pag-aresto ng International Criminal Court sa kanilang ama.
Iginiit pa ng mga anak ng dating Pangulo na hindi maaaring ideklarang “moot” ang kaso dahil patuloy pa ring nakakulong ang kanilang ama sa The Hague.
Nanawagan ang magkakapatid sa S.C. na pangasiwaan ang pagpapalaya at pagpapauwi kay Duterte, at ipawalang-bisa at pigilan ang pakikipagtulungan ng pamahalaan sa ICC at Interpol.
