Naniniwala ang isang constitutional lawyer at assistant professor sa University of the Philippines–College of Law na maaaring ginagamit lamang ng administrasyong Marcos ang anti-dynasty bill upang pahupain ang galit ng taumbayan sa isyu ng maanomalyang flood control projects.
Ito’y makaraang manawagan si Pangulong Ferdinand Marcos Jr. sa Senado at Kamara na isama ang nasabing bill sa mga prayoridad na ipasa ng Kongreso.
Aminado si Atty. Paolo Emmanuel Tamase na bagaman may pag-asa na maipasa ang nasabing panukalang batas dahil sa hirit ni Pangulong Marcos, hindi pa rin mapipigilan ang taumbayan na magduda dahil mismong nagmula sa mga political family ang mga naghain ng bill sa mataas at mababang kapulungan.
Samantala, binigyang-diin ni Atty. Tamase na mahalaga ang suporta at pagbabantay ng mga mamamayan upang matiyak ang tunay na pagbabago at hindi lamang pogi points sa gobyerno.
