Aprubado na ng Metropolitan Waterworks and Sewerage System ang dagdag-singil sa tubig ng Maynilad Water Services at Manila Water Company, na ipatutupad simula Enero 2026.
Ito’y batay sa rate rebasing adjustment na inaprubahan pa noong 2023.
Ayon kay MWSS Regulatory Office Chief Attorney Patrick Ty, dumaan sa masusing pagsusuri ang mga proyekto ng dalawang water concessionaires, at tiniyak na walang tinatawag na ghost project sa mga ito.
Samantala, nilinaw naman ni Atty. Ty na hindi maaapektuhan ang mga konsyumer ng Maynilad sakaling matuloy ang pag-acquire nito sa PrimeWater, na may mga joint venture sa iba’t ibang water districts sa buong bansa.
