Asahan na ng mga motorista ang panibagong paggalaw sa presyo ng mga produktong petrolyo sa susunod na linggo.
Kinumpirma ito ni Department of Energy–Oil Industry Management Bureau Assistant Director Rodela Romero batay sa Mean of Platts Singapore trading sa nakalipas na apat na araw.
Posibleng umabot hanggang singkwenta sentimos ang dagdag-bawas sa kada litro ng gasolina at diesel habang hanggang piso at trenta’y singko sentimos sa kerosene o gaas.
Bunsod anya ito ng oversupply, demand, at geopolitics gaya ng sanctions na ipinataw sa Russia, Iran, at Venezuela.
Nito lamang Martes nang magpatupad ng malakihang price increase ang mga kumpanya ng langis sa ikatlong sunod na linggo ngayong buwan.
