Tiniyak ng Malacañang na hindi natitinag ang Marcos administration at ekonomiya ng Pilipinas sa issue ng malawakang korapsyon sa bansa.
Ayon kay Communications Usec. Claire Castro, nananatiling matatag at bukas sa mamumuhunan ang Pilipinas, lalo’t sa ilalim ng pamumuno ni Pangulong Ferdinand Marcos Jr., matibay ang pundasyon ng bansa at bukas sa kaliwa’t kanang pagkakataon para sa mamumuhunan.
Aniya, mayroong mga nakalatag na komprehensibong catch-up plan ang pamahalaan, base sa national priorities ng administrasyon.
Dagdag pa ni Usec. Castro, sinisiguro ng pamahalaan na nasa tamang landas ang fiscal condition ng bansa, at ang pamahalaan ay nakatutok sa pagpapababa ng utang ng Pilipinas kasabay ng paglikha pa ng mas maraming oportunidad para sa taumbayan.
