Pirmado na ni Pangulong Ferdinand Marcos Jr. ang Administrative Order No. 38 na lumilikha ng National Sports Tourism Inter-Agency Committee, na pangungunahan ng Philippine Sports Commission.
Ayon sa direktiba ni Pangulong Marcos, layunin nitong itaguyod ang Pilipinas bilang isang pandaigdigang sports hub na magpapalakas sa turismo at kaunlaran ng mga rehiyon, alinsunod sa Philippine Development Plan 2023–2028.
Bahagi rin ito ng pagsusulong ng sports bilang mahalagang oportunidad para sa kabataan at sa pagdaraos ng world-class competitions sa bansa.
—Sa panulat ni Anjo Riñon
