Inaasahan pa ang pagtaas ng presyo ng bulaklak sa Dangwa Flower Market ilang araw bago ang paggunita ng Undas.
Ayon sa ilang flower vendor sa Dangwa, maaaring tumaas hanggang sa bisperas ng Undas ang presyo ng mga bulaklak, kaya’t pinapayuhan nila ang mga mamimili na magsimula nang bumili hangga’t mura pa.
Sa kasalukuyan, narito ang presyo ng ilang mga bulaklak sa Dangwa:
- Malaysian mums: ₱150 hanggang ₱200 kada dosena
- Local rose: ₱400 hanggang ₱500 kada dosena
- Carnations: ₱200 hanggang ₱400 kada 10 piraso
- Anthurium (white at red): ₱150 hanggang ₱400 kada dosena
- Gerbera: ₱200 hanggang ₱250 kada 10 piraso
- Orchids: ₱750 hanggang ₱800 per bundle
- Sunlight: ₱650 hanggang ₱700 kada bundle
