Inilunsad na ng Department of Health ang Bantay Super Health Center o SHC, isang monitoring program na nag-aanyaya sa publiko na isumbong ang mga hindi gumagana o kulang sa serbisyo na health facilities.
Layon ng programa na itaguyod ang transparency at matiyak na ang mga SHC na pinondohan ng gobyerno ay maayos at naa-access ng mga mamamayan.
Ayon sa DOH, maaaring magsumite ang publiko ng ulat sa Citizen Participatory Audit sa pamamagitan ng pag-download ng form sa www.doh.gov.ph/bantaysuperhealth.
Dito maaaring ilahad ang detalye ng pasilidad at mag-attach ng bagong kuhang larawan na nagpapakita ng kondisyon nito, at dapat may kasamang dyaryo ang larawan bilang patunay ng petsa.
Maaari namang ipadala ang ulat sa bantaysuperhealth@doh.gov.ph, habang tiniyak ng kagawaran na mananatiling confidential ang pagkakakilanlan ng mga nagsusumbong.
