Niyanig ng magnitude 4.4 na lindol ang lalawigan ng La Union kaninang alas-10:30 ng umaga.
Ayon sa PHIVOLCS, natunton ang sentro ng pagyanig sa layong 3 kilometro hilagang-silangan ng bayan ng Pugo at may lalim na 23 kilometro.
Naramdaman ang Intensity IV sa Pugo at Tubao, La Union at Baguio City;
Intensity III naman sa Itogon, Benguet; Villasis, Pangasinan; at San Fernando, La Union.
Tectonic ang origin ng lindol, at walang inaasahang aftershocks o pinsala matapos ang pagyanig.
