Ipatatawag ng Senado ang ilang opisyal ng Philippine National Police kaugnay sa patuloy na operasyon ng illegal online sabong sa bansa.
Ito ay ayon kay Senate Committee Chairman on Games and Amusements Erwin Tulfo bilang parte sa imbestigasyon kaugnay sa naturang iligal na sabong.
Anya, imposibleng hindi alam ng mga regional director at provincial commanders ang nangyayaring lantarang operasyon na umaabot sa dalawandaang hanggang tatlundaang laban araw-araw.
Iginiit din ni senador Tulfo na malaki ang nawawalang kita ng gobyerno dahil hindi nakokolektahan ng buwis at regulatory fees ang mga operator ng iligal na sabong.
