Inaasahang aabutin ng limang oras ang presentasyon ng depensa ni dating Pangulong Rodrigo Duterte sa pagdinig ng confirmation of charges sa International Criminal Court sa Setyembre.
Sa dokumentong inilabas ni Attorney Nicholas Kaufman, abogado ni dating Pangulong Duterte, aabot sa tatlumpung minuto ang inilaan para sa opening statement, tatlo hanggang apat na oras ang pangunahing presentasyon, at 30 minuto para sa closing statement.
Giit ni Atty. Kaufman, hindi nakagawa ng anumang paglabag si dating Pangulong Duterte at nagsilbi ito sa bansa nang may katapatan at dangal.
Nanindigan din ang dating Pangulo at ang kanyang mga tagasuporta na kailangan ang kampanya kontra droga para sa kapayapaan at kaayusan.
