Blangko pa ang Department of Foreign Affairs sa isyu hinggil sa sinasabing pagkakaroon ng Maltese passport ni Defense Secretary Gilbert Teodoro.
Ayon kay Foreign Affairs Secretary Maria Theresa Lazaro, ipauubaya na niya sa mga kinauukulang ahensya ng pamahalaan ang pagtalakay sa nasabing usapin.
Gayunman, nilinaw ng kalihim na hindi paglabag sa batas ng Pilipinas ang pagkakaroon ng dual citizenship.
Nabatid na noong December 2016 pa inisyu ang Maltese passport ni Sec. Teodoro na isinuko na rin anya noong 2021.
—Sa panulat ni Mark Terrence Molave
