Hindi “one-time closure” ang solusyon sa kinakaharap na problema sa coliform bacteria ng El Nido, Palawan.
Sa ekslusibong panayam ng DWIZ, nanawagan si former El Nido Chamber of Commerce and Industry Vice President Manny Lucena na halip na pagpapasara’y kailangang pagtulungan ng iba’t ibang lokal at nasyunal na ahensyang pangkalikasan ang suliranin sa lugar.
Binigyang-diin ng dating ENCCI Vice President na kailangang tutukan din ang mga residential areas sa El Nido na naitalang pinagmumulan ng diarrhea na dulot ng naturang bacteria.
Kaugnay nito, nilinaw din ni Lucena na masyado lang nagkakaroon ng hype sa social media ukol sa kaso kaya dumating sa suhestyong pagpapasara sa kabuuan ng El Nido.
