Aabot sa mahigit 800,000 pesos na halaga ng mga hinihinalang ecstasy tablets ang naharang ng awtoridad mula sa isang parcel sa Manila Postal Facility.
Nakumpiska ang nasa limandaang piraso ng iligal na droga sa isinagawang interdiction operation ng mga tauhan ng Philippine Drug Enforcement Agency, Bureau of Customs, at Philippine Postal Corporation.
Nakapaloob ang mga tableta sa isang packet parcel na nagmula sa germany at ipapadala sana sa nakapangalang consignee sa Caloocan City.
Walang nahuling suspek sa operasyon ngunit nagsasagawa na ng malalimang imbestigasyon ang otoridad upang matukoy ang nasa likod ng shipment at kung sino ang kanilang kontak sa bansa.
—sa panulat ni Mark Terrence Molave
