Target ng Department of Transportation na isailalim sa Public-Private Partnership Program ang operasyon ng Light Rail Transit line 2 at Metro Rail Transit line 3 sa susunod na taon upang mas maging mahusay ang serbisyo nito sa publiko.
Ayon kay Transportation Secretary Vince Dizon, luma na ang sistema ng LRT-2 kaya hindi maiwasang magkaroon ng aberya.
Dahil dito, tutulong anya sa LRT-2 ang international finance corporation ng world bank, habang ang MRT-3 naman ay tutulungan ng Asian Development Bank.
Dagdag pa ng kalihim na may go signal na ito ni Pangulong Ferdinand Marcos Junior dahil naniniwala ang presidente na magreresulta ito ng mas magandang serbisyo para sa mga pasahero.
Inamin naman ni Secretary Dizon na hindi madaling ayusin ang sistema kaya ang kailangan nang pang-matagalang solusyon sa pamamagitan ng PPP dahil limitado lamang ang pondo ng pamahalaan gayundin ang mga panuntunan sa procurement rules.
