Nilinaw ng Department of Education na maaari lamang manatili ang mga pulis sa labas ng mga paaralan.
Kasunod ito ng pagpapaigting ng pamahalaan sa kampanya kontra bullying matapos mabansagan ang Pilipinas bilang ‘Bullying Capital of the World’.
Ayon kay Education Secretary Sonny Angara, sa labas lamang ng mga paaralan maaaring mag-monitor ang mga pulis.
Iginiit pa ni Secretary Angara, na kailangan ang mga pulis lalo na kadalasang nangyayari ang mga away sa labas ng eskuwelahan.
Magugunitaang, inanunsyo ni PNP Chief General Nicolas Torre III na maaari ng i-report sa mga otoridad ang insidente ng bullying sa pamamagitan ng 9-1-1 emergency hotline.
