Inilarawan ni Pangulong Ferdinand Marcos Jr. si Pope Francis bilang ‘The Best Pope’.
Ayon kay Pangulong Marcos Jr., nakakalungkot ang balitang wala na ang Santo Papa.
Kaisa anya ang Pilipinas ng catholic community sa buong mundo, sa pagda-dalamhati sa pagkawala ng Santo Papa.
Binigyan-diin ng Presidente na si Pope Francis ay isang indibdiwal na mayroong kababaang loob, ang puso ay bukas sa lahat, lalo na sa mga mahihirap at nangangailangan.
Giit pa ng Presidente, kasabay ng pagluluksa sa napakalungkot na araw, ang pagkilala sa santo papa na nagsilbing inspirasyon sa lahat na mahalin ang kapwa, tulad ng pagmamahal ni Hesus sa sangkatauhan.—sa panulat ni Kat Gonzales
