Nananatiling “stable” ang hanay ng Armed Forces of the Philippines sa kabila ng ingay-pulitika sa bansa.
Kasunod ito ng pagkakaaresto kay dating Pangulong Rodrigo Duterte at kaliwa’t kanang pagpapalaganap ng ‘fake news’ sa social media.
Ayon kay AFP Spokesperson Colonel Francel Margareth Padilla, walang deklarasyon ng “red alert” sa sandatahang lakas ng Pilipinas.
Wala rin aniyang pangangailangan na magsagawa ng loyalty check sa AFP, dahil nananatiling matatag at propesyunal ang ahensya.
Iginiit pa ni Colonel Padilla na nakatuon din sila sa pagpapanatili ng kaayusan at seguridad sa bansa sa harap ng nalalapit na 2025 midterm elections.
Muli namang pinapaalalahanan ng AFP ang publiko na maging mapanuri at i-verify sa mapagkakatiwalaang source ang mga impormasyong nakikita sa social media. – —sa panulat ni Laica Cuevas
