Pinabulaanan ng Philippine National Police ang balitang nagbitiw sa pwesto si Criminal Investigation and Detection Group Chief Maj. Gen. Nicolas Torre kasunod ng pagkakaaresto kay dating Pangulong Rodrigo Duterte.
Ayon kay PNP Public Information Office Chief Col. Randulf Tuaño ang mga post na kumakalat sa online ay ang pagbibitiw ni Maj. Gen. Torre sa kanyang panunungkulan sa Quezon City Police District.
Ang dahilan anya ng resignation ni Maj. Gen. Torre nuon bilang QCPD Chief ay upang bigyan-daan ang imbestigasyon ng road rage insident sa Quezon City na kinasasangkutan ng isang pulis at isang siklista.
Giit pa ni Col. Tuaño, nais patunayan ng nuo’y QCPD Chief na wala silang pinagtatakpan at nais niyang ilabas ang katotohanan.
Nabatid na si Maj. Gen. Torre ang nagsilbi ng warrant kay dating Pangulong Duterte. —sa panulat ni Kat Gonzales
