Sugatan ang isang grade 9 student matapos na saksakin ng isang grade 11 student sa Navotas City.
Kinilala lamang ng awtoridad ang estudyante na sina alyas Kim, 16-anyos at alyas Jon, 15-anyos.
Ayon sa Navotas City Police, nakatanggap sila ng tawag mula sa isang concerned citizen na nakasaksi kaya agad na rumesponde sa lugar, kung saan, nakita nito ang away ng dalawa na humantong sa pananaksak ni “Jon” kay “Kim”.
Narekover kay “Jon” Ang kitchen knife na pinaniniwalaang kanyang ginamit sa pananaksak sa kapwa estudyante.
Lumalabas na may matagal na umanong alitan ang dalawa.
Nagpapagaling na sa mga natamong saksak ang biktima sa ospital habang ang suspek ay nasa kustodiya na ng pulisya at nakatakdang ilipat sa kustodya ng DSWD dahil sa pagiging minor.
