Bilang pagdiriwang sa kanyang 83rd birthday, mamamahagi ang entrepreneur at dating governor ng Ilocos Sur na si Chavit Singson ng kabuuang P7 million sa isang online raffle.
Sa isang video, ipinaliwanag ni Singson kung paano sumali sa kanyang #HappyLifeForAll birthday raffle.
Una, kailangan mong i-download at mag-sign up sa e-Gracia app, isang digital wallet na maaaring gamitin upang makapagpadala ng pera, makapagbayad ng bills, at makapag-load.
Kapag mayroon nang e-Gracia app, kailangang mag-register sa form na matatagpuan sa official Facebook page ni Singson at mag-share ng selfie na suot ang iyong best sunglasses gamit ang #PormahangChavit.
600 winners ang makakapag-uwi ng P10,000 bawat isa, habang isang maswerteng manlalaro ang makakakuha ng tumataginting na P1 million.
Isasagawa ang raffle sa pamamagitan ng livestreaming na gaganapin sa birthday ni Singson sa June 21.
