Ibinunyag na ni Davao City Mayor Rodrigo Duterte kung sino ang pari na umano’y nang-molestiya sa kaniya noong nag-aaral pa siya sa lungsod.
Kinilala ni Duterte ang Jesuit priest na si Father Paul Falvey na aniya’y patay na.
Ayon kay Duterte, napatawad na niya ang nasabing pari at naka-move on na siya sa nangyari.
Sinabi ni Duterte na hindi lahat ng mga pari ay mabubuti tulad ng paring aniya’y responsable sa kaniyang pagmulat sa kamunduhan.
Kasabay nito, ipinabatid ni Duterte na kinausap na siya ng mga kaibigan niyang pari na pinaghihinay-hinay siya sa kaniyang pananalita at sa katunayan ay makikipagkita pa siya kay Davao Archbishop Romulo Valles para payuhan pa.
By Judith Larino
