Nananatili at solido pa rin ang “UNITEAM.”
Ito ang binigyang diin ni Pangulong Ferdinand Marcos Jr., kasabay ng paggiit na nagpapatuloy ang kanyang tiwala at kumpyansa kay vice president at education secretary sara duterte.
Sa kabila ito ng mga kritisismo na tinanggap ng pangulo mula sa ama ni VP Sara na si Dating Pangulong Rodrigo Duterte.
Dagdag pa ng Presidente na walang nagbago sa relasyon nila ni VP Sara, at wala naman aniyang binibitawan na mga pahayag ang bise presidente laban sa kanya.
Sinabi pa ni PBBM na mananatiling kalihim ng Department of Education ang pangalawang pangulo.
