Aprubado na sa Kamara ang lahat ng priority bills na binanggit ni Pangulong Ferdinand Marcos Jr. sa kanyang ikalawang State of the Nation Address (SONA).
Sa kanyang talumpati, ibinida ni House Speaker Martin Romualdez ang pagpasa sa mga panukalang batas na may layuning makalikha ng maraming trabaho, magbigay ng dagdag na kita, magpasigla ng ekonomiya, at magpabuti sa buhay ng mga Pilipino.
Bukod sa 17 priority bills ng Pangulo, aprubado na rin ang 20 na panukalang batas na isinusulong ng Legislative Executive Development Advisory Council (LEDAC).
Pinasalamatan naman ni House Speaker Romualdez ang mga kasamahan sa Kamara sa kanilang walang katapusang suporta at kooperasyon.
