Sinimulan na kagabi ang Water Service Interruption ng Maynilad Water Services sa malaking bahagi ng Metro Manila.
Nagsimula ang 9 -11 hrs na pagkaantala sa suplay ng tubig 7 p.m. na tumagal kanina 4 a.m. habang tatagal naman hanggang mamayang 6 a.m. ang iba pang lugar sa NCR.
Kabilang sa mga apektado ng water interruption ang mga residente ng Quezon City, Caloocan, Malabon, Maynila, Valenzuela, at Navotas.
Una nang inanunsiyo ng Maynilad Water Services, na ang pagkaantala sa suplay ng tubig ay bunsod ng pagbaba ng raw water allocation ng National Water Resources Board, sa 48 cubic meters per second dahil sa pagbaba ng water level sa Angat dam.
Sa ngayon, wala pang pormal na anunsiyo ang water concessionaire kung hanggang kailan tatagal ang gabi-gabing water service interruptions kung saan, inaasahang aabot sa mahigit 500,000 customers sa Metro Manila ang posibleng maapektuhan ng pagkaantala sa suplay ng tubig.
