Itinanggi ni suspended Negros Oriental 3rd District Rep. Arnolfo “Arnie” Teves Jr., ang ulat na uuwi na siya ngayong araw batay sa nakalap na impormasyon ni Justice Secretary Jesus Crispin Remulla.
Tinawag ding fake news ni Congressman Teves ang nasabing impormasyon at iginiit na dapat ay kinausap muna siya bago nagsalita.
Una nang inihayag ni Secretary Remulla na batay sa isang “reliable source” na may access sa flight data na maaaring umuwi ngayong araw ang mambabatas mula Timor Leste.
Si Teves ang itinuturo ng kalihim na mastermind sa pagpatay kay Negros Oriental Governor Roel Degamo at siyam na iba pa noong marso a-kwatro.
