Tinatayang nasa 300,000 indibidwal ang nakiisa at naghintay sa mga pier at baybayin sa mga lungsod ng Mandaue, Lapu-Lapu, at Cebu upang silipin ang fluvial procession kahapon.
Isa ito sa mga highlight ng Fiesta Señor na ginanap matapos ang dalawang taong limitadong selebrasyon dahil sa COVID-19 pandemic.
Isang flotilla na kinabibilangan ng 189 na mga sasakyang pandagat ang sumama sa BRP Cabra ng Philippine Coast Guard, na napiling maghatid ng mga imahe ng Santo Niño at Our Lady of Guadalupe pababa sa Mactan Channel patungong Cebu City.
Sinabi naman ni Commander Mark Larsen Mariano ng Coast Guard Central Cebu, na naging pagkalahatang naging mapayapa ang selebrasyon at walang naitalang anumang untoward incidents.
Inihayag din ni Cebu Archbishop Jose Palma, na nakiisa sa sea procession, na labis niyang ikinatutuwa na magandang panahon matapos ang mga araw ng walang tigil na pag-ulan.