Iniutos na ng korte suprema sa Philippine Health Insurance Corporation (PhilHealth) na ibalik sa pamahalaan ang 83 milyong pisong halaga ng benepisyo na ibinigay sa mga empleyado at opisyal noong 2014.
Kasunod ito ng naging desisyon ng Commission on Audit (COA) hinggil sa naging pasya ng PhilHealth na pinagtibay naman ng korte suprema.
Matatandaang nagpasya ang pamunuan ng PhilHealth na mamahagi ng benepisyo sa kanilang mga tauhan at manggagawa na aabot sa 51.5 million pesos; 27.8 million pesos naman ang ibinigay para sa regional offices sa Rizal at Metro Manila; habang 3.695 million pesos naman para sa ipinamahaging birthday gifts.
Iginiit sa ruling ng SC na “unathorized” umano ang naging hakbang ng PhilHealth at dapat na ibalik ito sa gobyerno dahil wala itong pahintulot ng pangulo at nakitaan din ng ibat-ibang paglabag sa mga batas.
