Pinangunahan ni Pangulong Ferdinand “Bongbong” Marcos Jr. ang pamamahagi ng regalo at tulong panghanap-buhay sa mga batang lansangan sa Metro Manila.
Ginawa ni Pangulong Marcos ang distribusyon ng mga regalo sa kasagsagan ng launching ng caravan of special protection programs, para sa mga kabataan, pamilya at mahihirap na pilipino sa Open Amphitheater, Luneta Park.
Aabot sa mahigit 500 pamilya ang nakatanggap ng tulong gaya ng P10,000 tulong pinansyal, hygiene kits at food packs.
Ginawa ang caravan sa pamamagitan ng pakikipagtulungan ng Office of the President sa Department of Social Welfare and Development, kung saan magbibigay ito ng panimulang kapital sa mga pamilyang may mga anak sa lansangan.
