Pinalitan na bilang Fernando Poe Junior Avenue ang Roosevelt Avenue sa Quezon City.
Sa kanyang Instagram post, ibinahagi ni Senator Grace Poe ang larawan ng bagong street sign na ipinangalan sa kanyang amang si FPJ.
Ayon sa senadora, nagpasalamat siya bilang pagkilala sa lugar na kinalakihan ng kanyang ama na si “The King”.
Una nang nilagdaan ni dating Pangulong Rodrigo Duterte ang Republic Act 11608 na nagpapalit sa pangalan ng Roosevelt bilang FPJ Avenue.
Gayunman, nag-abstain sa pagboto ang mambabatas dahil sa conflict of interest at sinabing masaya siyang naipasa ang batas.
Magugunitang idineklarang national artist si The King matapos bumida sa mahigit 300 pelikula sa kanyang mahigit apat na dekada sa industriya ng pinilakang tabing. —sa panulat ni Jenn Patrolla
