Mahigit 13k tauhan ang itinalaga ng National Capital Region Police Office (NCRPO) sa iba’t ibang lugar sa Metro Manila bilang bahagi ng paghahanda ngayong holiday season.
Ayon kay NCRPO Director Major General Jonnel Estomo, partikular nilang babantayan ang mga mall, palengke, at mga terminal.
Aniya, pinaigting din nila ang mga operasyon ng kapulisan upang matiyak ang tahimik, maayos, at ligtas na paggunita ng nalalapit na kapaskuhan.
Samantala, sinabi ni Estomo na inatasan na niya ang limang district directors sa NCR na ipatupad ang maximum police visibility sa mga naturang lugar.
