Maaring tumaas ang bilang ng mga kaso ng COVID-19 bunsod ng bagong sublineage ng Omicron Subvariant BQ.1 sa bansa.
Ayon sa OCTA research, naitala ang 14 na kaso ng BQ.1 sa UP-Philippine Genome Center, Research Institute For Tropical Medicine at San Lazaro Hospital mula Oktubre 28 hanggang Nobyembre 18.
Kasalukuyang may pinakamataas na bilang ng COVID-19 ang National Capital Region (NCR).
Tumaas na din ang bilang ng mga kaso sa Camarines Sur, Tarlac, Aklan, Western Visayas, Northern Luzon, La Union, Cordillera Region, Isabela at Cebu.
Kaya naman, nagpapaalala ang eksperto sa publiko na bahagyang katulad ito ng mga Subvariant Omicron na BA.5 at XBB na maaring maging lubha at nakakahawang sakit.
Hinikayat naman na magpabakuna na upang maiwasan ang malala at kritikal na sakit dahil sa COVID-19. - sa panunulat ni Jenn Patrolla
