Naglabas na ang Metropolitan Manila Development Authority (MMDA) ng mga rutang daraanan ng MMFF Parade of Stars 2022.
Magsisimula ang aktibidad sa Disyembre a-21 kung saan, magsisilbing host sa parade of stars ang Quezon City Government.
May tema ang parada na “Balik saya sa MMFF 2022″ na pagbibidahan ng walong pelikulang kalahok sa festival.
Magsisimula ang parade alas-2 ng hapon sa Welcome Rotonda-Quezon Avenue hanggang Quezon Memorial Circle na aabot sa 7.36 kilometro ang total length at inaasahang tatagal ang travel time ng 2 oras at 30 minuto.
Magtatalaga naman ang MMDA ng mga traffic enforcer para umasiste sa daloy ng trapiko at sa crowd control.
