Sisimulan na sa susunod na buwan ng Department of Transportation (DOTr) ang paghuhukay ng tunnel para sa Metro Manila Subway Project.
Ayon kay DOTr Undersecretary for Rails Sector Cesar Chavez, mag-uumpisa sa December 12 ang pagbubutas sa Barangay Ugong, East Valenzuela City para magsilbing subway depot bago maidugtong sa susunod na istasyon sa Quirino Highway Station sa Quezon City.
Ang nasabing proyekto ay pinondohan ng 488.5 billion pesos na utang ng gobyerno sa Japan International Cooperation Agency (JICA).
Tatagal naman ng isang taon ang paghuhukay na binubuo ng 17 istasyon mula sa Valenzuela hanggang Bicutan na dadaan din sa NAIA-Terminal 3 kung saan, mula sa dating mahigit isang oras na biyahe, aabot na lamang ito ng 35 minuto.
