Sasabak para sa Miss International Crown Competition ngayong taon si Binibining Pilipinas International 2021 Hannah Arnold.
Ito ang kinumpirma ng Binibining Pilipinas Organization kung saan, gaganapin ang kompetisyon sa December 13, 2022 sa Tokyo, Japan.
Sa Facebook post ng organisasyon, kanilang ibinahagi ang official photo ni Hannah para sa Binibining Pilipinas Send-off 2022 na nakatakdang ganapin ngayong araw.
Agad namang nagpaabot ng pagbati at suporta ang iba pang mga Pinay Beauty Queens at tiwalang masusungkit ni Hannah ang korona para sa bansa.
