Pinabulaanan ng abogado ni dating Bureau of Corrections (BuCor) Chief Gerald Bantag na nagtatago ang opisyal matapos masangkot sa pagpatay umano sa brodkaster na si Percy Lapid.
Ayon kay Atty. Rocky Thomas Balisong, hindi nagtatago ang kaniyang kliyente at lalabas sa publiko sa tamang panahon.
Iginiit naman ng abogado na walang obligasyon si Bantag na lumabas sa publiko, dahil akusasyon pa lamang ang ibinabato dito at wala pang warrant of arrest.
Noong nakaraang linggo, sinampahan ng kasong murder si Bantag maging si BuCor Senior Superintendent Ricardo Zulueta at iba pa matapos masangkot sa pagpatay kay Lapid.
Hinihintay na lang ang hold departure order laban kay Bantag at Zulueta na hindi pa malaman kung nasaang lugar.
