Pinaghahain ng counter affidavit ni Justice Secretary Jesus Crispin Remulla si Dating Bureau of Corrections Chief Gerald Bantag.
Ito ay matapos ituring umanong mastermind sa pagpatay sa brodkaster na si Percy Lapid si Bantag, kasama ang isa pang BuCor official na si Ricardo Zulueta.
Ayon kay Remulla, dapat harapin ni Bantag ang kaso bilang isang lalaki at hindi idaan sa media ang drama.
Hinimok pa nito ang dating BuCor Chief na respetuhin ang batas lalo’t opisyal ito ng gobyerno.
Samantala, nanindigan naman ang DOJ Official na nasa Pilipinas pa rin si Bantag dahil hindi ito pwede makaalis hangga’t walang travel authority.
Noong October 3 binaril sa Las Piñas City si Lapid, habang sa loob ng bilibid nasawi ang isa pang middleman na si Jun Villamor.
