Tinukoy ng Commission on Population and Development (POPCOM) na ang COVID-19 pandemic at pagiging maingat ng publiko ang dahilan kung bakit bumaba ang bilang ng naitalang teenage pregnancies sa bansa.
Sinabi ito ni POPCOM Officer-In-Charge Executive Director Lolito Tacardon base sa inilabas ng University of the Philippine Population Institute (UPPI) na resulta ng 2021 Young Adult Fertility and Sexuality Study.
Ipinapakita rito na ang proporsyon ng mga kabataang babaeng 15 hanggang 19 na taong gulang na buntis ay bumaba sa 6.8% noong nakaraang taon mula sa 13.7% noong 2013.
Samantala, hinikayat ni Tacardon ang mga institusyon at stakesholders na paigtingin pa ang “collective efforts” sa ilalim ng Executive Order no. 141 series 2021 upang matugunan ang ugat na itinuturing na dahilan ng teenage pregnancies sa pamamagitan ng whole-of-nation approach.
