Naharang ng Globe Telecom ang 278,555 URLs at domains na nagho-host ng child pornography mula Enero hanggang Setyembre habang pinaigting nito ang kanilang filtering system laban sa mga mahahalay na gawain.
Tumaas ang kabuuang bilang ng 1,132.5 % kumpara sa kabuuang 22,371 noong nakaraang taon.
Ayon sa Globe, 2,835 na domain na nagho-host ng Child Pornography ang na-block bilang bahagi ng pangako nitong tugunan ang maraming kaso ng Online Sexual Abuse and Exploitation of Children (OSAEC) sa bansa.
Sinabi ng globe na ang kanilang pagsisikap ay alinsunod sa R.A. 9775 o ang Anti-Child Pornography Act of 2009, na nag-uutos sa lahat ng mga internet service provider na mag-install ng mga teknolohiya upang matiyak ang paghaharang at pagsasala ng child pornography. – sa panunulat ni Hannah Beatrisse Oledan.