Isinailalim na sa state of calamity ang Muntinlupa City dahil sa matinding pinsala dulot ng Bagyong Paeng.
Ito’y matapos magpasa ang Muntinlupa City Council ng resolusyon na inaprubahan ng Local Disaster Risk Reduction and Management Council (LDRRMC) kahapon.
Nakasaad sa naturang resolusyon na matindi ang naging epekto ng Bagyong Paeng sa nasabing lungsod dulot ng pagsuspindi ng klase, negosyo, fisheries at electric power dahil sa matinding pagbaha.
Sa inisyal na assessment ng Muntinlupa City Department of Disaster Resilience and Management Office (DDRMO), 2 ang naitalang nasawi na residente ng lungsod dahil sa pananalasa ng bagyo.
Habang ilan pa sa mga lugar nito ang lubog pa rin sa baha.
