Kinumpirma ng Lokal na Pamahalaan ng Maynila na sisimulan nang tanggalin ang itinayong COVID-19 Field Hospital sa Quirino Grandstand sa Nobyembre.
Ayon kay Manila Mayor Honey Lacuna-Pangan, may mga plano umano ang LGU sa Luneta Park at unti-unti na itong binabaklas dahil mula October 20 ay hindi na tumatanggap ng mga pasyente.
Kaugnay dito, hindi rin umano masasayang ang mga medical equipment mula sa Covid-19 Field Hospital dahil ipamamahagi ito sa mga pampublikong ospital.
Tiniyak naman ni Lacuna na may sapat na bed capacities sa mga ospital at health facilities sa Lungsod ng Maynila para sa mga tatamaan ng Covid-19. —sa panulat ni Jenn Patrolla
