Inihayag ni Department of Justice (DOJ) secretary Jesus Crispin Remulla na posibleng isailalim witness protection program ng kanilang ahensya ang self-confessed gunman sa hard-hitting broadcaster-columnist na si Percival Mabasa o mas kilala bilang si Percy Lapid.
Ayon kay Remulla, maaaring nilang ikunsidera ang WPP sa suspek na si Joel Escorial kung ituturo nito ang mastermind sa planong pagbaril-patay kay Lapid.
mababatid na si Escorial ang ikinokonsiderang pangunahing suspek sa krimen na ngayon ay nangangamba para sa kanyang buhay at hindi sa alok ng gobyerno na gawin itong star witness.
Sa ngayon, nahaharap sa kasong murder si Escorial kasama na ang tatlo pa nitong kasabwat na kinilalang sina Israel Dimaculangan, Edmund Dimaculangan, at isang nag-ngangalang “Orlando” na ngayon ay hindi pa naaaresto ng mga otoridad.
