Babalikatin ng Philippine Health Insurance Coproration (PHILHEALTH) ang gastusin para sa COVID-19 RT-PCR test ng mga Overseas Filipino Workers (OFW) na nagbabalak umuwi sa Pilipinas.
Ayon sa PHILHEALTH, bahagi ito ng programang inilatag ng Department of Migrant Workers (DMW) sa itinayong one stop shop para sa mga balik bayan.
Posible nang magpa-test ang mga balikbayang OFW sa alinmang accredited na pasilidad ng PHILHEALTH o laboratory na may DOH license para sa SARS-COV 2 testing. —sa panulat ni Jenn Patrolla
