Arestado sa kasong paglabag sa Anti-Graft Law ang isang opisyal ng Pamahalaang Lungsod ng Maynila.
Kinilala ang akusado na si Gloria Querobines Y Panes, 50-anyos, na inaresto sa bisa ng warrant of arrest na inisyu ni Judge Christian Emmanuel Gonzales Pimentel, ng Regional Trial Court (RTC) Branch 30 ng Maynila.
Si Qurobines ay analyst sa City Budget Office ng Manila LGU at nahaharap sa kasong paglabag sa Republic Act 3019 na may piyansang nagkakahalaga ng 90,000 piso para sa pansamantalang paglaya nito habang nililitis pa ang naturang kaso.
