Target ni Vice President Sara Duterte na kumuha ng karagdagang bus at magbukas ng mas maraming ruta para sa Libreng Sakay Program.
Ayon kay Office of the Vice President (OVP) Spokesperson Reynold Munsayac, naghahanap na ang opisina ng mga partner mula sa pribadong sektor para sa pagpapalawig ng naturang programa.
Layunin nila aniya na makahanap ng private partners na magpapahiram din ng bus kung saan sagot ng opisina ang gas, sweldo ng mga drayber gayundin ang repair at maintenance.
Dagdag pa ni Munsayac na target ng OVP na magdagdag ng bus sa ruta na Commonwealth at Fairview, Quezon City papunta ng Quiapo, Manila.
Una nang tiniyak ng Department of Transportation (DOTR) sa publiko na sapat ang mga pampublikong sasakyan para matugunan ang mga mag-aaral na babalik sa face-to-face classes.
