Inihayag ni Parañaque Integrated Terminal Exchange Head Jason Salvador, na bukod sa Metro Manila, maglalagay din ng libreng sakay program ang Office of the Vice President sa iba pang lugar sa Luzon, Visayas at Mindanao.
Sa panayam ng DWIZ, sinabi ni Salvador, na nais ng pamahalaan na mabigyang serbisyo ang mga pasaherong lubhang naapektuhan ng covid-19 pandemic.
Sinabi ni Salvador na naiintindihan nila ang sitwasyon ng publiko sa gitna ng pandemiya kung saan, lahat ay apektado din ng pagtaas ng mga bilihin at serbisyo sa bansa.
Sa kabila nito, hinikayat ni Salvador ang mga pribadong sasakyan na tangkilikin ang libreng sakay program ng pamahalaan upang maiwasan ang mabigat na daloy ng trapiko sa mga pangunahing kalsada.
