Pinalawig na ng Malakanyang ang panunungkulan sa pwesto ng mga namumunong Officer-in-Charge (OIC) sa mga ahensya ng pamahalaan.
Ayon kay Press Secretary Trixie Cruz-Angeles, na base ito sa inilabas na Memorandum Circular No. 3 ni Executive Secretary Atty. Vic Rodriguez sa pamamagitan ni Pangulong Ferdinand Marcos Jr.
Dahil dito, magtatagal hanggang sa buwan ng Disyembre ang pananatili sa pwesto ng mga kasalukuyang OIC.
Maliban na lamang ani Angeles kung mayroong napili si Marcos Jr. Na permanenteng maitatalagang pinuno sa isang tanggapan ng gobyerno. – sa ulat ni Jopel Pelenio (Patrol 17)
