Planong buksan ng pamunuan ng Cavite-Laguna Expressway o CALAX ang bahagi ng silang interchange ngayong taon.
Ayon kay Raul Ignacio, pangulo at general manager ng MPCALA, target nilang mabuksan ang nasabing daanan bago matapos ang taon na magpapagaan sa mabigat na daloy ng trapiko na nararanasan ng mga motorista.
Bukod pa dito, mas mapapabilis din nito ng hanggang dalawampung minuto ang biyahe sa Aguinaldo Highway patungong Silang at Tagaytay City sa Cavite.
Sa ngayon nasa 56% nang kumpleto ang silang interchange ng CALAX.
Sakaling matapos na ang naturang proyekto, durugtong ang CALAX sa Manila-Cavite Expressway o CAVITEX na nasa bayan naman ng Kawit.
